第一次食 @smachi.mochi 雪媽糍的手製雪米糍😋覺得好味又有驚喜喎！每粒雪米糍都大大粒勁飽🈵️，煙韌又夠薄嘅糯米皮包住喺唔同口味嘅幼滑雪糕，同埋啲口味仲好特別🤩
🌕香芋美祿脆脆口味，香芋味雪糕好滑好香！中間嘅美祿脆脆勁香脆可口，口感層次豐富👍
🌕抹焙美祿脆脆有兩個層次嘅味道，食到抹茶嘅香同埋焙茶嘅濃，再加埋美祿脆脆第三款朱古力味道，層次豐富得來，三隻味道又唔會撈到食唔出邊款打邊款，我好鍾意喎🤩
🌕茉莉紅莓果醬，好香嘅茉莉清香，有少少紅莓嘅酸甜，小清新之選。
🌕焙茶朱古力味，全粒都係焙茶嘅味好香濃，而且好爆滿，啲朱古力脆脆非常之脆口，兩者結合有好夾喎
🌕焙茶/抹茶Oreo口味，中間係滿滿嘅Oreo碎，少咗個脆口嘅口感，感覺就soft d, 味道相對係比較清淡。
一次過大滿足試咗佢哋唔同嘅口味嘅雪米糍，發覺佢哋真係好用心去製作每一粒雪米糍，㩒入佢個IG @smachi.mochi , 發覺原來係三個仔女和媽媽開嘅一間小店，原來每粒均由雪媽親手製作，啲雪米糍好好食呀，雪媽繼續加油呀！
Search